Македонија за прв пат на страниците на “CNN Traveller magazine“

27.07.09 14:15

Македонија деновиве за прв пат се најде на страниците на престижниот светски магазин за туризам “CNN Traveller magazine“ во изданието за месец jули и aвгуст. Презентацијата е дел од програмата на националната Агенцијатза промоција и поддршка на туризмот, за зајакнување
на туристичкиот бренд на Македонија во светот.

^{Македонија за прв пат на страниците на “CNN Traveller magazine“}

“CNN Traveller magazine“ се печати на секои два месеци и се дистрибуира во поголемите градови во Европа, до сите авионски компании низ светот, до сите членки на Светската туристичка организација, трговски и туристички саеми низ светот како и сите хотели во Европа, Блиски исток и Африка вклучувајќи ги исто така партнерите на “CNN“ како „Hyatt“, „Marriott“, „Radisson“, „Conrad“ и други реномирани имиња во хотелскиот бизнис.