По покана на Економската Комисија на Обединетите Нации во Женева , Дејан Пановски од Билатералниот Секретаријат за Охридско Езеро ќе учествува во работата на средбата посветена на “Адаптацијата кон климатските промени во Прекуграничните водени басени”.
Пановски на состанокот во ООН во Женева ќе има излагање на тема “Влијанието на климата и човечкото менаџирање врз нивото на Охридското Езеро и врз Дримскиот Басен”, во рамки на работната сесија за еко-системскиот пристап за адапатацијата кон климатските промени .Исто така тој ќе присуствува и на Петтиот состанок на Работната група на ООН за води и клима. На состанокот ќе бидат присутни преставници од сите земји членки на Обединетите нации.
– Меѓународната заедница е заинтересирана и го респектира она што го имаме како стручност ,искуство и резултат во сферата на управување со прекуграничните ресурси. Но,ние мора да се прилагодиме на современите предизвици во еко сферата и да изработиме мерки за адаптација со интегративни и економски аспекти. Нам во сливот на Охридското Езеро и Дримскиот Басен исклучително ни е важно да се адаптариме на новите услови за да обезбедиме и заштита но и услови за одржлив економски развој на регионот – Дејан Пановски,Билатерален секретаријат за Охридско Езеро.
OhridNews
