Македонските атлетичари нема да се натпреваруваат на СП во сала, во Доха, Катар од 12 до 14 март, Според селекторот на Македонија, Влатко Димитров, главна причина што нема да учествуваме на ова СП е тоа што Атлетската федерација на Македонија нема пари, а покрај тоа и нашите атлетичари немаат некои забележителни резултати.

– Кризата го стори своето и едноставно немаме средства да одиме во Доха,
што е главна причина. Покрај тоа нашите репрезентативци немаат некои
позабележителни резултати што би ветиле за нас вонсериски остварувања на
ова СП – вели за “Дневник“,  Димитров.

На СП во Доха ќе учествуваат 150 земји, со што е соборен рекордот од претходното СП пред две години во Валенсија, каде што учествуваа 147 земји. Во Доха ќе учествуваат 374 атлетичари и 283 атлетичарки, како и 477 официјални лица.

Ohridnews