Трајното млеко „Дукат” со масленост од 2,8% во тетрапак пакување од половина литар воопшто не се увезува во Македонија, а трајното млеко „Дукат – лагано јутро” со трајност до 25.04.2013 е во магацините на увозникот и не се дистрибуира до продажните места.

Ова денеска го соопштија од компанијата „Дукат”, од каде додаваат дека во Македонија нема никаква опасност од производите на оваа компанија, пренесува „Макфакс“.

Производителот на млекото „Дукат” од Хрватска превентивно ги повлече од пазарот двете ограничени серии од трајните млека кај кои е утврден сомнеж за зголемено ниво на микотоксин.

OhridNews
извор:„Макфакс“