Охриѓани жалат за поразот на Македонија од актуелнио европски првак Шпанија кој во полуфиналето на Европското првенство што се игра во Литванија ја совлада Макединија со 92:89, но се горди на своите репрезентативци кои пружија уште една фантастична игра, која сепак не беше доволна да се порази големиот фаворит. Избраниците на селекторот Докузоски мораа да го положат оружјето пред шпанската фурија која предводена од разиграниот Наваро (35п.) во средината на третата четвртина го скрши отпорот на Македонија и не дозволи изненадување до крајот на мечот.
Мечот во „Жалгирис Каунас“ арената го следеа околу 500 македонски фанови, а илјадници македонци излегоа на плоштадите и во кафулињата каде се следеше историскиот натпревар. Навивачка атмосфера владееше и во Охрид. Кафулињата беа преполни а жестоко се навиваше и на градскиопт плоштад каде мечот се следеше на големиот лед дисплеј. И покрај поразот охриѓани се оптимисти дека Македонија во недела ќе направи нов подвиг, овојпат во малото финале против Русија и ќе и донесе голема радост на нацијата.
Македонците поразени, но не и разочарани
OhridNews
