Вчера, од страна на патролата на полициската станица за граничен надзор „Охридско езеро“, бил затекнат малолетник од Охрид како врши незаконит риболов.
– Малолетникот роден 1999 година бил забележан на околу 20 метра од брегот, наспроти угостителски објект на кејот „Македонија“ во момент кога со недозволено средство за подводен риболов-подводна пушка ловел риби. По консултација со јавен обвинител, малолетникот е повикан во полициска станица каде во присуство на адвокат за малолетници извршен е разговор. На малолетникот одземена му се подводната пушка марка, горен елек за нуркање марка, горно одело за нуркање, долен дел од нуркачко одело, маска за нуркање како и други предмети за нуркање, информира портпаролот на СВР Охрид, Стефан Димоски.
Неодамна, во акциска патролна контрола во ноќните часови, полициските службеници кај малата плажа- вила „ Билјана“ пронајдоа и одзедоа една рибарска мрежа со должина од околу 50 метри со улов од осумнаесет парчиња риба- десет парчиња охридски крап со вкупна тежина од 9,5 килограми и осум парчиња клен со вкупна тежина од осум килограми.
Во слична акција, полициската станица за граничен надзор „Охридско езеро“ пронајде и одзеде 20 рибарски мрежи со вкупна должина над 1000 метри, околу 30 килограми парчиња разновидна риба и повеќе примероци на риболовен алат и прибор. Согласно законот за рибарство и аквакултура, против неколку лица поднесени се прекршочни пријави.
OhridNews
