Од 17 до 21 септември Здружението „За Трпејца со љубов“ од Охрид по осми пат ќе ја организира Меѓународната уметничка колонија во Трпејца.

Идејата е годинава во Трпејца да се соберат на едно место и да творат млади талентирани уметници од Поградец и Охрид на возраст меѓу 20 и 35 години кои сакаат да бидат под менторство на уметник од Поградец и двајца ментори од Охрид. Учесниците од Поградец се веќе познати. Ова е еден нов и експериментален концепт. Сите тие ќе добијат соодветни бои и по две платна за учество на колонијата, велат од Здружението.

Конкурсот е отворен до 7 септември, а заинтересираните млади уметници од Охрид можат да се пријават на следниов мејл: [email protected] каде потребно е да испратат своја куса биографија и контакт телефон.

Во колонијата ќе бидат вклучени најмногу тројца млади уметници од Охрид, а изборот ќе го изврши посебна комисија составена од уметниците – ментори. За останатите детали учесниците кои ќе бидат избрани ќе бидат информирани на заеднички состанок, додаваат од Здружението.

OhridNews