Слободата на медиумите во Македонија е загрозена, смета Советот за радиодифузија – СРД. Регуларното тело укажува дека медиумите се изложени на голем притосок од центрите на политичка и економска моќ, како и од сопствениците на медиуми. Тоа можеби е последица на моменталната состојба поврзана со превремените парламентарни избори, но не може да биде оправдување за загрозување на слободата на медиумите, смета СРД.

– Слободата на медиумите е прашање кое што е алармантно, прашање што многу не загрижува и ние
како регулаторни тела треба да посветиме многу време и внимание. Сметам
дека после изборите една од главните седници на Советот за
радиодифузијата треба да биде посветена токму на парашањето на слободата
на изразувањето и на медиумите и да донесеме конкретни заклучоци за
целата состојба во Република Македонија, изјави Зоран Стефановски, претседател на СРД.

Слична е состојбата и во земјите на регионот, според кои е потребно да се изгради концепт за заштита на слободата на изразување.

– Слободата на медиумите не е концепт кој може да се реши
административно. Тоа е постојана борба, практично освојување на
слободатата.-истакна Горан Петровиќ – претседателот на Радиодифузната агенција на Република Србија.

Претседателите на Советот за радиодифузија на Република Македонија, Агенцијата за електронски медиуми на Црна Гора, Радиодифузната агенција на Република Србија и на Советот за електронски медиуми на Република Бугарија во Охрид разговараат за унапредување  на регулаторниот пристап во третирање на прашањата од радиодифузијата, воведување услуги од новите медиуми, хармонизирање со европската регулатива, воведување на дигиталната радиодифузија и за заштитата на авторките и сродните права. Тие донесоа одлука да формираат работна група , која ќе ги дефинира можните модели на соработка, што ќе служат како основа за натамошно вклучување во иницијативата на останатите регулатори тела од државите во регионот.

OhridNews