Најдобриот фудбалер на Барселона, Лионел Меси по пласманот во 1/4 финалето од Лигата на Шампиони истакна дека неговиот тим ја враќа својата препознатлива игра.
– Неодамна два пати се „лизнавме“ во Ла Лига, затоа што не игравме добро. Но, тоа не беше случај на дуелот со Манчестер Сити на кој ја контролиравме играта во текот на целиот натпревар. Полека се враќаме во ритам, со што ја покажуваме големината на оваа екипа. Ќе одиме чекор по чекор во Лигата на Шампиони бидејќи има големи и тешки искушенија – рече Меси.
Аргентинецот во двомечот со Манчестер Сити постигна два погодоци по еден во натпреварите на „Етихад“ односно „Ноу Камп“.
Мх.П.
