Месната индустрија „ Билјанови“ – Струга, по покана од HERD програмата финансирана од Норвешката влада, во периодот од 19-23 октомври во Подгорица, Црна Гора, учествуваше на регионалниот натпревар за квалитет на чадени месни производи – чаден бут и чадена печеница.
Во силна конкуренција од производители од сите земји на Западен Балкан, месната индустрија „ Билјанови“ – Струга освои две престижни награди: второ место за чадениот бут и трето место за чадената печеница.
– Овие награди многу ни значат, особено поради фактот што ова е наше прво претставување од ваков тип. Стручната комисија составена од врвни меѓународни експерти даде високи позитивни оценки за квалитетот на нашите производи, за што истите беа и соодветно наградени. Наградите се потврда за стореното, но и обврска и поттик за понатамошна уште понапорна работа. Следењето на најновите технолошки достигнувања во функција на перманентно подобрување на квалитетот на нашите производи е императив на нашето работење. Потрошувачите го заслужуваат најдоброто, а тимот на БИЛЈАНОВИ го може тоа, вели Славе Билјан, генерален директор на месната индустрија „ Билјанови“ – Струга .
OhridNews
