Скопски Металург имаше успешна втора фудбалска полуетапа, која ги доведе на посакуваната позиција на крајот, третото место на прволигашката табелата и деби-настап во европските купови, во Лигата Европа, но желбите и за следната сезона се исти.
– Сакаме во ист стил да продолжиме и во новата сезона. Настапите во Европа ќе бидат надополнување на сето она што го сработивме во минатата сезона. Напоредно се подготвуваме и за првенството и за мечевите во Европа, а амбициите на Металруг и во следната сезона ќе бидат европски. Се засиливме во сите линии пред сé со домашни играчи. Ни недостига уште еден напаѓач, по заминувањето на Баже Илијоски но нема да брзаме, и нема по секоја цена да купуваме некој играч. Ќе почекаме да видиме што ќе понуди пазарот па потоа ќе повлечеме потег – рече тренерот Жикица Тасески.
Тимот од Автокоманда ќе има европско крштевање, а шефот на тимот Тасевски ги знае евентуалните противници. Нема некоја посебна желба против кого да игра, но затоа пак, знае против кого не сака да игра.
– Металург првпат излегува во Европа и е во групата аутсајдери. Јас како тренер немам некоја посебна желба, но не ги посакувам во првото коло кипарскиот Анортозис и Бнеи Јахуда од Израел. Останатите екипи се со изедначен квалитетот – вели младиот стратег.
Фото Емилио
М.П.
