Металург на бод до врвот, Вардар продолжува да тече

“Железничарите“ долго се мачеа да го скршат отпорот на актуелниот првак, тоа им успеа во самиот финиш на мечот со головите на Миле Крстев и Драган Начевски во последните минути од мечот. За гипсарите ова беше втор пораз по првите три рунди од пролетниот шампионат.

2-1 беше резултатот со кој завршија три меча. Работнички ја забележа првата пролетна победа над Х.Турново. Ќумбев и Андонов по еднаш погодија за “романтичарите“, додека поразот го ублажи Лазаревски во последната минута од мечот.

Силекс се намачи со фенерџијата Пелистер, отпорот на “чкембарите“ го скршија преку удар од белата точка во 89 минута од мечот, сигурен беше Темелков.

Натпреварот кој го водеше охриѓанецот Марјан Маркоски заврши со победа на домаќините исто така со погодок во самиот финиш на мечот. Тетекс до победата над Скопје стигна со пресврт, откако Јованоски во првиот дел ги доведе “пиратите“ во предност. Силјаноски изедначи на 1-1, а во судиското надополнување Клечкароски со дебитантскиот гол во дресот на “војводите“ осигура важни три бода во борбата за опстанок.

Единствениот натпревар без голови го одиграа Брегалница и Вардар.

Резултати : Металург – Ренова 2-0, Брегалница – Вардар 0-0, Тетекс – Скопје 2-1, Работнички – Х. Турново 2-1, Силекс – Пелистер 2-1. Шкендија – Напредок (утре).

Табела :

место		екипа	одиграни	П	Н	И	голови	бодови
1		Шкeндијa	20	11	6	3	37:14	39
2		Металург	21	11	5	5	26:14	38
3		Рaботнички	21	10	7	4	27:17	37
4		Ренова	21	10	5	6	27:19	35
5		Хоризонт Турново	21	10	2	9	22:19	32
6		Тетекс	21	8	6	7	20:17	30
7		Силекс	21	7	7	7	22:24	28
8		Нaпредок	20	8	4	8	21:23	28
9		Брегалница 2008	21	8	2	11	21:29	26
10		Скoпje	21	6	5	10	20:24	23
11		Вардар	21	6	2	13	17:32	17
12		Пелистер	21	3	3	15	16:44	12

Наредно коло сабота, 19 март 2011

Пелистер	–	Шкeндијa
Нaпредок	–	Тетекс
Скoпje	–	Брегалница 2008
Вардар	–	Рaботнички
Хоризонт Турново	–	Металург
Ренова	–	Силекс