Неуспехот во Гетеборг на квалификациите за пласман на Олимписките игри во Лондон не треба да биде разбран трагично, од него треба да извлечеме поуки“, рече меѓудругото, на денешната прес конференција првиот човек на Ракометната федерација на Македонија (РФМ), Михајло Михајловски.

Според претседателот на РФМ, настапот во Гетеборг ќе биде анализиран следната недела, кога селекторот ќе го поднесе извештајот на седницата на Управниот одбор.

Михајловски се согласи дека репрезентацијата во Гетеборг не одиграла на потребното ниво, поради што и изостана пласманот на ОИ во Лондон.

„Евидентно е дека одигравме послабо него што игравме во Србија, меѓутоа ниту Унгарија ниту Шведска не не надиграа, со Унгарците решаваше една топка. Не може стално да се игра во топ форма, нас во Гетеборг ни потфрлија некои играчи – Кире Лазаров одигра доста послабо, со доста промашувања и технички грешки, Борко не одбрани на ниво како што бранеше таму, Веле Марковски нашиот најдобар играч во одбрана не играше како во Србија. Од ова ние треба да извлечеме поуки, затоа што од Европското првенство до квалификациксиот турнир имавме два месеци, сега имаме два месеци до значајниот натпревар, квалификациски за пласман на СП во Шпанија со Австрија“, рече претседателот на РФМ

“макфакс“
Ohridnews