-Грција од една страна ја злоупотребува својата позиција како членка и ја попречува одлуката која ја заслужуваме и која е препорачана од Европската комисија- почетокот на преговорите за членство во ЕУ-рече Милошоски. Тој истакна дека и во однос на билатералниот грчко- македонски дијалог, во кој од македонска страна постои желба да се стигне до заедничко решение и прифатлив компромис, Грција се обидува да диктира и наметне свој став, наместо да остави простор и флексибилност за заедничко решение.
Македонија е под притисок за името – Милошоски
-Во оваа ситуација, не можам да прогнозирам што ќе се случи. Во секој случај, ова прашање ќе продолжи да биде актуелно како и до сега и ние ќе се обидеме да го дадеме својот максимум и да извлечеме што е можно поповолни резултати и позиции на РМ, што е во интерес на нашите граѓани-рече Милошоски.
