Актуелниот раководител на Секторот за образование и култура во општина Охрид и член на Извршниот одбор на СДСМ, е највисоко рангиран охриѓанец на пратеничката листа во 5-тата Изборна единица на Социјалдемократскиот сојуз, што беше утврдена денеска на 12-от конгрес на партијата.
Велјаноски е четврти на листата во петката која ја предводи Јани Макрадули, а пред него се уште лидерот на ПЕИ Фијат Цаноски и битолчанката Весна Бендевска.
Листата на коалицијата предводена од СДСМ во Првата изборна единица ја предводи кандидатот за премиер на оваа партија Радмила Шеќеринска, втор на листата е Тито Петковски од НСДП, следуваат потпретседателот Гордан Георгиев, Наташа Савова – член на Извршен одбор на СДСМ, пратеникот Игор Ивановски, новинарот на А1 Сафет Бишевац итн.
Носител во Втората изборна единица е Ана Павловска Данева, втор е Оливер Спасовски, а трет Горан Минчев. Листата во тројката ја предводи актуелниот градоначалник на скопската општина Карпош Стевче Јакимовски, а четворката градоначалникот на Струмица Зоран Заев, па кого следат генералниот секретар на СДСМ Андреј Петров и уште една новинарка на А1 Ленче Николовска. Во Шестата изборна единица листата на СДСМ ќе ја предводи Стоилко Пауновски.
На пратеничките листи на СДСМ го нема претседателот на партијата Бранко Црвенковски, но и поранешниот лидер и премиер Владо Бучковски. На конгресот беше усвоена изборната програма на СДСМ со која партијата ќе претендира да дојде на власт.
OhridNews
