“Секој натпревар треба да се сфати сериозно бидејки секој натпревар во репрезентацијата е доста важен, како за нас така и за рејтингот на репрезентацијата. Недостасуваат повеќе стандарни првотимци но тие што сме тука ќе дадеме се од себе да славиме на мечот во Корча – порача од Поградец, столбот на македонската одбрана Игор Митрески.

Еден од “сенаторите“ во националниот состав бранителот Игор Митрески кој на мечот со Албанија ќе го одигра својот 68 натпревар истакна дека подготовките течат според планот, а и покрај тоа што ќе настапиме во изменет состав репрзентатиците ќе го дадат својот максимум да забелжат нова победа.

– Доста разговаравме со селекторот Јонуз , мислам дека момците имаат респект кон повозрасните, ние пак ги респектираме младите и тоа дава една добра хемија во репрезентацијата. – смета Митрески.

Во отсуство на стандардните Пандев, Наумоски и Ристиќ, македонскиот напад ќе го предводи  Иван Тричковски кој имаше повеќе од успешна презентација на воведните натпревари од квалификациите, добрата форма во кипарскиот шампионат каде ги тресе противничките мрежи очекува да ја потврди на мечот со Албанија во Корча.


– Задоволен сум, ми се даде шанса која мислам дека на солиден начин ја искористив. Но  тоа не е  најдоброто од мене, јас ќе продолжам напорно да работам, и да постигнувам уште повеќе голови. Тука сум да помогнам на секој начин бидејќи репрезентацијата за мене е светост, во нападот ќе фалат првотимците но сметам дека овде повиканите може да го надохнадат тој недостаток. Се надевам на добра игра која ќе резултира со добар резултат – истакна Тричковски.

Натпреварот против Албанија ќе се игра на стадионот “Скендербег“ во Корча кој има капацитет од десет илајди гледачи. Стадионот во измнатитот период претрпел големи измени и а по реновирањето првиот натпревар го одиграле минатата недела домаќинот Скендребег и Динамо од Тирана, кој завршил без победник 2-2. Пријателскиот натпреварот Албанија – Македонија е првиот меѓународен натпревар кој ќе се игра на овај стадион.
Од Поградец, Албанија
М.Постоловски
фото Емилио