Освојувачот на Купот на Македонија во 2011 година, Металург првата полусезона ја заврши на втората позиција, со пет бода заостанување зад лидерот во првата македонска фудбалска лига Вардар. Смената на тренерската позиција Ѓорги Христов – Жикица Тасески, донесе “млади“ ветришта  во “зелените“ од Железара.

Поранешниот репрезентативец  Христов  од самиот почеток најави дека младите се почесто ќе добиваат шанса во дресот на Металург. Во кроењето на екипата  за втората полусезона, Христов го вмента и 20-годишниот охриѓанец Филип Митрески кој во редовите на Металург дојде од Охрид 2004.


–    Почетокот беше тежок, друг град, друга приказна. Голема благодарност на моите соиграчи кои одлично ме прифатија и секогаш беа тука да ми помогнат. Иднината во “зелениот“ дрес е светла, изобилуваат фудбалери од младинскиот погон а тука се постарите да не научат како да ги оствариме своите соништа – потенцираше Митрески.

Зимските услови и временските прилики не му дозволија на Металург добро подготовки. Долго време“зелените“ беа во Скопје, еден период во Негорски Бањи за да финишираат во Охрид.

– Условите за тренинг беа лоши, снегот ги поремети сите планови на стручниот штаб за подготовките. Работевме напорно, дел од тренинзите се одвиваа во сала и теретана. Мислам дека се спремивме добро, низ низата пријателские средби во Охрид покажавме дека ќе се наметнеме во борбата за првото место во шампионатот  – заврши Митрески.

Поранешниот фудбалер на Охрид Лоте и Охрид 2004, во есенскиот дел од сезоната за “рибарите“ настапи на десет меча постигнувајќи еден погодок.

 Mх.П.