Струмица, а не Охрид челниците на МКФ (Македонската кошаркаска федерација) ја предложија за организатор на младинското Европско првенство до 18 години (Б Дивизија), кое е планирано да се одржи во втората половина на јули 2013 година.
Струмица досега беше домаќин на два вакви шампионати (ЕП до 16 години мажи 2011, ЕП до 18 години жени 2012) на кои учествуваа вкупно 40 репрезентации.
Охрид и спортската сала “Билјанини Извори“ лани во последен момент и излегоа на МКФ во пресрет при организацијата на шампионатот за мали земји кој првично требаше да се игра во Струга. Иако сите мечеви се играа во Охрид на официјалнот лого и на сите извештаи стоеше името на градот Струга.
Во ланското финале во инфаркт натпревар Македонија беше поразена од Австрија .
Официјалната потврда за организацијата се очекува на крајот на оваа календарска година, кога ќе бидат познати организаторите на сите младински Европски првенства.
ohridnews
