Од организацијата сметаат дека ново прифатеното име треба да биде за сите употреби, со што ќе се одблокира приемот на земјата во НАТО и интеграцијата во Европската Унија.
Од друга страна, од МКГ препорачуваат Атина да ја прифати употребата на придавката „македонски“ од страна на северниот сосед.
„Атина треба да го признае националниот идентитет и јазик на својот северен сосед како ‘македонски’. Скопје треба да ја промени одлуката за именување на аеродромот според Александар Велики и да се откаже од слични потези што би ја провоцирале Атина, особено во контекст на проектот Скопје 2014“, се вели во извештајот на МКГ.
Од МКГ повикуваат и на подобрување на дијалогот во парламентот, преку редовни средби на кои ќе се разговара за важни домашни и меѓународни прашања. Од владата се бара да овозможи имплементација на законите, а правниот систем да е ослободен од политички влијанија. Во постигнувањето на овие цели, како што велат од МКГ, треба да помогнат и САД, ЕУ и другите меѓународни партнери.
извор: „Макфакс“