Од денес до 10-ти ноември Порака Нова, како лидер на проектот mPreneur, во Охрид организира интернационален настан во рамки на кој ќе учествуваат млади од Азија, Африка и Европа.
Во овој период ќе се одржи mPreneur школа – интерконтиенентален камп за млади претприемачи кои развиваат мобилни апликации со социјален импакт, под наслов „TC Social mPreneur School: mLearning, Techpreneurship, and Sustainable Impact-making for young aspiring entrepreneurs“, кои ќе бидат дополнително обучени од универзитетски професори од Економскиот факултет Скопје и Универзитет за информатички науки и технологии „Св. Апостол Павле”, на теми како мобилно учење, нови технологии, социјално претприемништво. На настанот ќе присуствуваат млади од Македонија, Кенија, Австрија, Филипини, Сингапур, Танзанија, Уганда и Романија, информираат од Порака Нова.
Паралено, додаваат, ќе биде организиран и настан на жири комисијата од познатите WSA World Summit Awards светски познат настан кој избира и промовира локални дигитални иновации за подобрување на општествата.
Учество ќе земат експерти од неколку Европски земји со цел да ги селектираат победниците и победникот на mPreneur гала настанот што ќе се одржи следната година во Грац.
OhridNews
