Подмлаткарите од Црвениот крст денеска ги стоплија срцата на старите лица згрижени во одделението за Геријатрија при општата болница во Охрид. Во рамки на одбележувањето на Неделата на грижа за стари лица, од 17-23 ноември, тие денеска го посетија геријатриското одделение. Низ пригодна програма младите се дружеа со старите лица во Центарот за Геријатрија. За време на емотивната средба младите и старите заеднички пееаја и се шегуваа, и се фотографираа за спомен.
Неделата на грижа за стари лица, претставува голем празник за нашите клиенти бидејќи чувствуваат големо задоволство при вакви посети, како денешната, ни изјави Севим Селим, раководител на геријатриското одделение. Црвениот крст никогаш не ги заборава старите лица, а внимание кон нив редовно покажува и здружението на жени „Бисера“, како и други невладини организации, а и ние се трудиме секојдневно да им го разубавиме животот тука во нашето одделение, додаде, Селим
Ohridnews
