На семинарот, 20 учесници, имаат можност да се запознаат со основните значења на поимите култура, интеркултура и мултикултура, да се сретнат со концептите на правната држава и владеењето на правото, демократијата и човековите права, но и да почнат да ги надминуваат стереотипите и предрасудите кои ги имаат како дел од различните перцепции на нештата.
На крајот од овој семинар ќе се преземат конкретни дејства и насоки за понатамошна активност на учесниците.
Целта на овој проект е пред се да се зајакнат капацитетите на група млади од општините Охрид и Поградец, членови на Младински Совет Охрид и ,,УНЕ ГРУАЈА,, кои во понатамошниот дел од реализацијата на проектот, во соработка со голем број претставници на институции, организации и индивидуалци, ќе подготват документ кој ќе ја подобри интеркултурната соработка во двете општини.
Во периодот кој следи двете групи ќе треба да подготват акционен план за работа за периодот декември 2012-март 2013 година, а МСО како носител на активностите, со организирање на уште еден семинар, 4 панел дискусии и камп, ќе ја даде максималната поддршка за што поуспешна реализација на предвидените активности.
Се очекува стратегијата да биде готова во месец март и истите да биде усвоена од локалните самоуправи на Охрид и Поградец и истата да биде презентирана на завршна конференција со која и официјално ќе заврши проектот ,,ПРЕКУ ЕЗЕРОТО“.
