„Голем број од младите луѓе по дипломирањето многу ретко размислуваат за отворање сопствени бизнис и  многу од нив се задоволуваат со какво било работно место поради што  во последно време немаме толку квалитетни проекти – рече министерот за еконимија, Ваљон Сараќини при посетата на  фондацијата претприемачки сервис за млади (ПСМ)

Оваа фондација која ја поддржува реализацијата на почетни бизниси, во петок доби 240.000 денари поддршка за својата работа од Министерството за економија.

– Доколку седнете  со некои од младите, од нив можете да слушнете многу идеи, но ретко кој од нив верува оти тие идеи може да прераснат во успешни бизниси. Мислат дека никој не може да ги  поддржи“, истакна Сараќини.

Министерот Ваљон Сараќини нагласи дека министерството за економија и понатаму ќе ги поддржува младите кои имаат идеи и бизнис планови, за отварање на сопствени бизниси и во отварањето на нови работни места.

Тој апелираше до сите млади да аплицираат со проекти и да ги искористат парите кои ги доделува Министерството за економија.

Дел од оваа фондација се 22 мали и средни фирми кои од неа добиваат простор за работа, подготовка на бизнис планови, обуки како и финансиска помош за отпочнување на бизнис

“макфакс“
Ohridnews