Во првите три месеци од годинава регистрирани се 406 кривични дела во коишто учествувале малолетници, а од почетокот на годинава до сега регистрирани се вкупно 61 инцидент во близина на училишта, информираше министерката за внатрешни работи на промоцијата на проектот „Безбедни училишта – Хармонични средини“, што заеднички ќе го реализираат мисијата на ОБСЕ и локалните самоуправи на Охрид, Скопје, Тетово, Струга, Гостивар, Кичево, Битола и Македонски Брод.
Проектот меѓу другото предвидува учениците да спроведуваат анкети за навремено да ги откријат ризичните групи меѓу соучениците, но и да ги спречат евентуалните проблеми кои доаѓаат надвор од училиштето.
Организатотите очекуваат поддршка од локалните заедници во создавањето одржлив модел на превенција и на безбедност во училиштата како одговор на насилното однесување, инцидентите и меѓуетничката нетолерантност меѓу младите во училиштата.
