Млекопроизводителите кои од 1 октомври до 31 декември 2011 година, имаат произведено и продадено кравјо, овчо или козјо млеко, до крајот на овој месец ќе може да поднесат барања и да добијат субвенции од државата.
Барањата за сувенциите може да се поднесат секој работен ден, во подрачните единици на Министерството за земјоделство шумарство и водостопанство.
Висината на оваа државна стимулација изнесува 3,5 денари по литар произведено и продадено млеко на преработувачките капацитети.
Инаку вкупните средства, со кои Владата на Република Македонија ќе го субвенционира земјоделството во 2012 година, се во висина од 130 милиони евра.
OhridNews
