Од 1-ви овој месец стартуваше летниот режим на сообраќај на повеќе улици. Иако беше многу добро најавено, возачите тешко се привикнуваат. Таков беше и случајот со улицата „Димитар Влахов“ на која од десната страна има и сообраќајни знаци за забрането запирање и паркирање, со дополнение од знак дека при непочитување на овој знак автомобилот ќе биде кренат од страна на пајак-службата.
Но, познато е дека кај нас сообраќајните знаци воопшто не се почитуваат, па на сцена мораше да стапи и пајакот, без чија помош надлежните не ќе можеа да ги постават овие сообраќајни конуси.
Летниот режим на сообраќај започна од 1 јули, а ќе се применува до 31 август.
Васко Бујароски
