Министерството за надворешни работи побара од официјалните власти на Косово да ги преземат сите законоски мерки и сторителите, кои го запалија македонското знаме, да бидат идентификувани и соодветно казнети.– Министерството за надворешни работи на Република Македонија укажува дека во вакви чувствителни моменти секој преземен чекор треба да биде во насока на ублажување на тензиите, а не нивно натамошно разгорување. Секој одговорен чинител во општеството би требало најостро да ги осуди ваквите екстремни постапки- се вели во официјалната реакција на МНР.
Оттаму додаваат дека Косово како најмлада држава во регионот треба да го демонстрира својот капацитет и способност да дејствува на соодветен начин во правец на градење на добрососедските односи и развивање на регионалната стабилност.
ohridnews
