Македонското Министерство за надворешни работи најостро го осуди палењето на државното знаме на пријателскиот ракометен натпревар во Приштина, пренесува „Макфакс“
Инциденти од овој карактер, како што велат од МНР, не одат во прилог на одличните добрососедски односи меѓу Македонија и Косово.
„Сметаме дека косовските власти треба да превземат најостри санкции кон сторителите на овој инцидент, како и соодветни мерки за избегнување на евентуални инциденти од ваков карактер“, соопштуваат од МНР.
Оттаму информираат и дека се превземаат соодветни дипломатски активности со цел избегнување на вакви инциденти.
Покрај палењето на знамето, настапот на младинската ракометна репрезентација беше проследен со навредливи транспаренти кон Македонија.
OhridNews
