Победата над Олимпијакос и пласманот во 1/4 финалето од Лигата на Шампиони менаџерот на Манчестер Јунајтед, Дејвид Мојс им го посветува на сите навивачи кои несебично го поддржуваат.
– Начинот на кој моите фудбалери реагираа после поразот од Ливерпул ме прави горд и среќен. На тренингот во понеделник им говорев на фудбалерите да победиме 3-0 и да им возвратиме нешто на навивачите за нивната поддршка покрај лошите резултати. Се надевам дека во иднина ќе уживаме на уште вакви маѓични ноќи во Лигата на Шампиони – рече Мојс.
По обезбедување нови два дуели во ЛШ „колку толку“ ќе се смири тензијата на Олд Трафорд по серијата лоши резултати во Премиер лигата.
Мх.П.
