Без повредениот Наумче Мојсовски македонската репрезентација на Европското првенство во Данска заврши на 10-та позиција. Мојсовски за интернет страницата “Оф Нет“ отворено ги коментираше случувањата во селекцијата.
– Не знам за што точно се работи, разговарав со некои од колегите, но не ми го кажаа проблемот. Мислам дека Прибак и Вугринец не му го земаат лебот на никој, а ние тоа го сфаќаме како на бесилка да не носат и потоа тоа се рефлектира лошо. Кога имаше 20 натурализирани репрезентативци немаше реакции. Проблемите ги има 15 години, откако сум јас во репрезентацијата, но се надминувале. Овие напади не знам точно спрема кого се бидејќи не сум таму, но мора да се решат, не може вака да остане, мора да се менува нешто. Мислам дека селекторот не е виновен, со него направивме успех и се пласиравме на европското кога никој не очекуваше од нас. Затоа што јас колку знам некои играчи сакаат да се над РФМ, над репрезентацијата и над се. Не може РФМ да не чини, селекторот да не чини, а дошле пред само пет месеци и сега одма никој не чини. Ракометната структура е нова и мора да и се даде можност. Мора да седнеме и да ги решиме проблемите еднаш засекогаш за да не се влечат понатаму. Ако треба ќе се менуваат генерации само за доброто на Македонија – рече Мојсоски.
На минатото Европско првенство во Србија, Македонија заврши на петтата позиција, но две години подоцна репрезентативците беа бледа сенка од пред две години.
– Мислам дека по играта што ја прикажаа е реален, а по можностите на нашата селекција не е реален. Знам дека ова не е вистинската Македонија и дека можеме повеќе. Успехот во Србија не беше изненадување, оваа генерација е квалитетна, но нешто не штима внатре во репрезентацијата. Не знам што е работата, како што читам има напаѓања, а тоа не е добро. На крајот ќе излезе дека тоа во Србија било случајно, а не беше така. Пред ова европско се случија и повреди, а тоа беше дополнителен проблем – додаде Мојсоски.
Извор : „Оф Нет“
Мх.П.
