Од надлежното министерство молк. И покрај нашите обиди, во неколку наврати, да добиеме информација што се случува со изборот на директор, не успеавме да добиеме одговор. Единствениот коментар од министерството за култура е дека сеуште нема ништо ново. Истовремено, за многу пократок период беа расппишани конкурси за избор на директори на неколку институции кои спаѓаат под министерството за култура и набргу по завршувањето на конкурсите тие беа избрани.
Во јавноста веќе се шпекулира дека министерот Канческа не била задоволна од понудените програми на дванаесетте кандидати заинтересирани за оваа функција, кои пред повеќе од месец дена беа на интервју со министерот. Постои можност да биде распишан нов конкурс за избор на директорот на Охридско лето.
Без конкретно објаснување од министерството останува јавноста и понатаму да се прашува што се случува со оваа реномирана установа од која првите луѓе беа менувани во последен миг, непосредно пред почетокот на фестивалот без притоа да се води грижа за впечатокот кој се остава во јавноста, а пред се врз угледните учесници кои се дел од него.
