Моња со тројка во последната секунда од мечот и донесе победа на Русија над Македонија со 63-61. Русија ја прекина серијата на Македонија, која во четвртфиналето во среда ќе игра против домаќинот Литванија.
Македонија ја имаше победата на дофат, но ударот за три на Моња од таблата заврши во кошот за победа на зборнајата.
Македонија повторно одигра одбрана на ниво не дозволувајќи руските кошаркари да се размавнат, а спортската среќа која вечерва ни го заврте грбот беше одлучувачкиот фактор за поразот.
Перо Антиќ со дабл дабл учинок 15 поени и 10 скока, и Бо Мекејлеб со 16 поени беа најдобрите во македонскиот состав.
