Првиот човек на ракометната федерација на Македонија, Живко Мукаетов не го криеше задоволството по пласманот во ТОП 12 на Македонија на Европското првенство во Данска.
Пласманот понатаму момците на Ивица Обрван го обезбедија по трогателната победата над Австрија со 22-21.
– Првичната цел за ова Европско првенство ја остваривме сега се што ќе дојде ќе биде голем плус за нас. Ракометарите уште еднаш покажаа и докажаа како се бранат и сакаат боите на Македонија. Секоја следна победа на ЕП во Данска ќе значи уште некое место погоре и ќе покажиме дека ние сме ракометна нација – рече Мукаетов, кој беше на трибините во Хернинг, Данска.
Со пласманот во втората фаза македонската селекција може да го повтори и подобри успехот во Србија на ЕП пред две години кога го освои петтото место.
Фото : „Мкд.мк“
Мх.П.
