,,Мултикултурата-Богаството на Охрид”, е мотото на Мултиетничката вечер  што утре ќе се одржи во Охрид. Оваа активност ќе има за цел да ги претстави етничките заедници кои живеат во Охридскиот регион, со тоа што секоја група ќе има можност на свој начин да ја претстави материјалната, социјалната и духовната култура. 

Мултиетничката вечер е дел од програмата ”Подобрување на меѓуетничкиот дијалог и соработка помеѓу заедниците” што ја спроведува  Институтот за развој на заедницата (ИРЗ) од Тетово, под покровителство на Канцеларијата на УНЕСКО во Венеција, во рамките на заедничката програма на Обединетите нации.

-Целта на овие активности е да им се овозможи на младите подобро да се запознаат, да научат повеќе за различните култури и обичаите на своите сограѓани кои живеат во нивната општина, како и да учествуваат во активностите кои што се од заеднички интерес за граѓаните без разлика на нивната етничка или религиозна припадност.-велат од  Институтот за развој на заедницата од  Тетово.

Тие објаснуваат дека Активностите на оваа програма, кои се спроведуваат во Охрид се целосно поддржани и помогнати од Младинскиот Совет Охрид.

OhridNews