Одлуката за патникот во најдобрите осум од двомечот Галатасарај – Челси ќе падне на „Стемфорд Бриџ“ откако првиот меч заврши без победни 1-1.
– Ова беше емоционална ноќ. Ние игравме против голем клуб со големи играчи и пред полн стадион. Се сретнав со моите поранешни играчи и беше добро да се споделат нови моменти – рече Мурињо.
Избраниците на португалскиот стратег имаа водство, но не знаеја да го сочуваат и во Лондон да заминат со минимална победа.
– Јас сум задоволен од моите играчи како го одиграа натпреварот. Одигравме добро прво полувреме, а уште тогаш можевме да го решиме мечот. Тие во вториот дел ни извршија притисок и успеаја да постигна погодок за изедначување – заврши Мурињо.
Мх.П.
