Светските агенции и повеќето медиуми ја пренесуваат информацијата објавена во петочниот број на дневниот весник Ел Мундо Депортиво, според која актуелниот тренер на Реал Мадрид Жозе Мурињо веќе договорил трансфер во Манчестер Сити.
Истиот извор наведува дека Португалецот за својата одлука пред две недели го информирал претседателот на Реал Мадрид Флорентино Перез. Мурињо во Мадрид не е омилен, како меѓу навивачите, така и во самиот клуб, со оглед дека во ставовите се разликува дури и со клучните фудбалери, како голманот Икер Касиљас.
Во Манчестар Сити Мурињо би го заменил Роберто Манчини, додека за негов наследник во Реал најголеми шанси имаат Јоаким Лев и Рафаел Бенитез.
Ел Мундо Депортиво е најчитаниот каталонски спортски весник, на страна на Барселона, па оваа информација се прима со голема резерва.
Но единствената вест на денот не е врзана само за овој случај. Имено, Сити наводно подготвува неверојатна понуда за Кристијано Роналдо. Нему платата би му била двојно поголема од сегашните 250.000 евра неделно во Реал.
ohridnews
