Полицијата безмилосно ќе реагира и најостро ќе ги санкционира учесниците во евентуалните немири кои на социјалните мрежи се најавуваат за викендов на скопско Кале, предупреди министерката за внатрешни работи Гордана Јанкуловска.
– Во изминатите неколку дена се обидов преку директни контакти, преку обраќања до јавноста да апелирам до сите оние кои се уште размислуваат дали да се вклучат во настани каде би можеле да ескалира насилство да се откажат од вакви намери, бидејќи безмилосно ќе реагираме на сите обиди за нарушување на јавниот ред и мир и за загрозување на безбедноста на граѓаните на Република Македонија, изјави вчера во Скопје министерката Јанкуловска.
Таа истакна дека во МВР не бил најавен протест, односно полицијата немала добиено известување за евентуално собирање на скопското Кале.
Минатата недела на скопското кале дојде до судир на поддржувачите и противниците на изградбата на црквата-музеј, што ги подгреа националистичките страсти во земјата.
OhridNews
