Министерството за внатрешни работи службено побара затварање на групи и страници на „Фејсбук“ заради повикување на насилството. МВР ги информирало администраторите на социјалната мрежа „Фејсбук“ за постоење на групи и страници на поддржувачи кои застапувајќи ставови за и против изградбата на објектот на Кале, шират говор на омраза и предизвикуваат верска и етничка нетрпеливост во Македонија.
Одделот за компјутерски криминал од своја страна ги сними и ги документираше сите членови на групите и поддржувачите, како и профилите на лицата кои прифатиле да учествуваат по поканите испратени за нови пресметки на Кале, информираат од МВР.
МВР апелира до сите посетители на социјалните мрежи да се воздржат од говор на омраза и да престанат со повикување на насилство, бидејќи ќе бидат преземени сите неопходни мерки за нивно идентификување и спречување во намерите.
OhridNews
