На 21.07.2017 година околу 10,30 часот во Охрид на плажата „Немо“, настанала расправија и тепачка помеѓу 57-годишно лице од Охрид, кое стопанисувало со тобоган и шанк на плажата и 33-годишно лице од с.Прељубиште-Тетово, вработен на шанк со кој стопанисува 52-годишен охриѓанец. Потоа во 11,45 часот, лицето Прељубиште, заедно со 52-годишниот охриѓанец сопственик на шанкот на кој работел и уште едно 39-годишно лице од с.Студеничани-Скопје, дошле на локацијата со која стопанисува сопственикот на тобоганот, каде биле присутни и едно лице од Велгошти и уште двајца охриѓани, кои физички биле нападнати. При тоа лицето од Студеничани употребило нож, а 52-годишниот сопственик на шанк дрвена летва.
Во нападот едно од нападнатите лица се здобило со расекотина во пределот на градите, друго со расекотини на главата и левата подколеница, а уште едно со расекотина на левата рака. Повреди им се констатирани во Општа болиница-Охрид, каде им била укажана медицинска помош. За настанот е запознат јавен обвинител, а сите горенаведени лица се повикани во Полициска станица-Охрид. По целосно расчисување и документирање на настанот, против сторителите ќе бидат поднесени соодветни пријави, соопшти МВР.
OhridNews
