МВР засилено ќе ги обезбедува денешните избори. Полицијата има точно предвидени мерки кои би следеле доколку на теренот се јават инциденти за избори и гласање, соопшти МВР.
Полицијата ќе ги обезбедува гласачките места, а по нивното затворање припадници на МВР ќе го обезбедуваат транспортот на избирачкиот материјал до општинските изборни комисии, соопшти Министертсвото за внатрешни.
Во текот на предизборната кампања преку рекламни спотови се апелираше до граѓаните за потребата од мирни и фер избори, а за евентуалните предизвикувачи на изборни инциденти предвидени се високи казни.Секој што ќе употреби сила, закана или на друг начин ќе го спречи изборниот процес, ќе се казни со затвор од шест месеци до пет години.
За да им излезе во пресрет на граѓаните во однос на непречено остварување на нивното гласачко право, Министерството за внатрешни работи известува дека Управните служби задолжени за издавање на лични карти ќе работат и денеска – недела. Во текот на денешниот ден, почнувајќи од 7.00 часот па се до 19 часот, ќе бидат примани барањата за лични карти.
