Ј.П. „Охридски Комуналец“ постави 15 нови корпи за ситен отпад вдолж градскиот кеј, на потегот од градското пристаниште до Холандскиот Парк.
Корпите се донација од АД „Пакомак“-Скопје, како резултат на долгогодишната соработка со „Охридски Комуналец“ во областа на селектирање на амбалажниот отпад , односно пластичниот отпад, хартиени отпадоци и лименки, со што се минимизира негативното влијание врз животната средина и се подигнува степенот на еколошката култура.
Новите корпи за ситен отпад се состојат од два садови за депонирање отпад и пепелник за цигари: едниот сад , кој е затворен со посебен отвор на горниот дел, е наменет за селекција и депонирање на пластични шишиња и лименки , а другиот е отворен и наменет за депонирање на останат ситен отпад.
OhridNews
