Услугата за одмор и рекреација на деца од семејства со социјален ризик и деца корисници на посебен додаток опфаќа 7 дневен одмор (6 полни пансиони -ноќевање со три оброка дневно) како и едукативно-забавни активности. Децата корисници на посебен додаток и/или деца со инвалидитет имаат право на придружник за време на користењето на услугата. Придружникот има право на 6 полни пансиони (ноќевање со три оброка дневно). Изборот на сместувачките капацитети во кои што ќе реализира зимскиот одмор е во тек.
За користењето на оваа услуга, во текот на следната недела Министерството за труд и социјална политика ќе објави повик на националниот јавен сервис Македонска радио-телевизија, на веб страната на Министерството за труд и социјална политика и во Центрите за социјална работа. Во јавниот повик ќе бидат наведени потребните документи за аплицирање. По објавувањето на повикот заинтересираните лица треба да поднесат барање до надлежниот Центар за социјална работа според местото на живеење на корисникот.
Рангирањето на корисниците на услугата за одмор и рекреација на деца од семејства со социјален ризик и деца корисници на посебен додаток, ќе се врши според бодови- до 60 бода за времетраење на користење на правото, 30 бода за деца од еднородителско семејство и 10 бода за деца со инвалидност.
