Актуелната безбедносна состојба во селото Трпејца, е темата на состанокот, што Секторот за внатрешни работи Охрид го организира со советодавната група граѓани од Трпејца.
На средбата што ќе се одржи денеска во локалната самоуправа во Охрид, претставници на месната заедница Трпејца, по чие барање, СВР Охрид, го организира состанокот, ќе се осврнат на одредени актуелности, поврзани со неодамнешните случувања за дел од езерското крајбрежје во оваа населба.
Средбата со советодавната група граѓани од Трпејца, ќе биде искористена за дискусија и договарање мерки за градење доверба, избегнување на можни нарушувања на јавниот ред и мир, како и легално решавање на настанатиот проблем.
На средбата со советодавната група, покрај претставници на СВР Охрид, ќе присуствуваат претставници од месната заедница од Трпејца, од компанијата „Ивире“, Секторот за урбанизам и надлежни инспекциски служби од општина Охрид, претставник на јавното правобранителство, на националниот парк „Галичица“ како и, претставници на мисијата на ОБСЕ во Охрид.
OhridNews
