Од СВР признаваат дека е направен пропуст што не се казнуваат сопствениците на неправилно паркираните возила, но потенцираат дека доаѓа до забуна кај возачите поради тоа што сеуште постои хоризонталната сигнализација која важеше во летниот период, и според која паркирањето не беше забрането. “ Неколку пати побаравме од Одделението за сообраќај при Локалната самоуправа да ја избришат хоризонталната сигнализација, но тоа не го направија” , вели Страшо Миленкоски од СВР.
Па така, Јане Сандански е една од ретките улици во светот на кои истовремено постои и вертикална и хоризонтална сигнализација, но со спротивно значење. Според едната- паркирањето е забрането, а според другата- не. Очигледно е и дека никој не се обидува да им разјасни на возачите која сигнализација треба да ја почитуваат.
Од Локалната самоуправа објаснуваат- обврска на Одделението за сообраќај е во договор со Сообраќајната полиција при СВР да го усогласи режимот на сообраќај на улиците и според тоа да постави сообраќајни знаци. “ Почитувањето на сообраќајните знаци , односно правилното или неправилното одвивање на сообраќајот е исклучиво во надлежност на сообраќајната полиција” , вели портпаролот на Локалната самоуправа, Никола Манески.
На кој начин ќе се одвива ова лето сообраќајот по овој крак од улицата Јане Сандански, како и на останатите улици во централното градско подрачје, ќе се утврди со Програмата за режимот на сообраќај, која се очекува да биде усвоена на следната седница на Советот на општина Охрид, закажана на 27- ми овој месец.
