Наградата за животно дело, која се доделува за прв пат и му припадна на Насе Насев,долгогодишен селектор на македонската репрезентација во борење, соопштија во вторник од одборот за доделување на спортската награда „8.Септември“.
Паричниот износ на државната награда „8 Септември ” за животно дело е доживотна месечна исплата на една просечна плата исплатена во последните три месеци на тековната година, соопшти денеска на прес-конференција проф. д-р Зоран Радиќ – претседател на Одборот за доделување на државната награда „8.Септември ”.
Носители на државната награда за 2012 година се проф.д-р Милош Вучидолов, Хајрун Синани-борење, Александра Неделковска-кик-бокс и Бошко Заборски-карате.
Паричниот износ на државната награда „8 Септември” е десет просечни плати во Република Македонија исплатени во последните три месеци на тековната година.
На овогодишниот, прв избор за државната награда “8-ми Септември” за категоријата Животно дело беа пријавени деветмина, а додека пак, за државната награда 13 кандидати. Конкурсот за аплицирање траеше од 31 јули до 15 август 2012 година.
Одборот за доделување на државната награда „8 Септември ” одлучуваше во состав: проф. д-р Зоран Радиќ – претседател, проф.д-р Ленче Алексовска – член, Арѓент Беќири – член, д-р Томислав Андоновски-член, проф.д-р Иса Аслани, Горан Атанасовски – член, д-р Сашо Поповски, Пепи Манасков-член, Гордана Нацева – член, Ѓорѓе Војновиќ – член, Горан Милковски – член, Драган Дојчиновски – член и доц.д-р Висар Ганиу.
Наградите ќе бидат свечено доделени на 8 септември во Владата на Македонија.
“макфакс“
