Вкупно 212 одобренија за градба биле издадени во февруари, што е за девет отсто помалку во однос на истиот месец лани, објави Државниот завод за статистика.

Според издадените одобренија за градење, предвидената вредност на објектите изнесува близу две милијарди денари (околу 32,1 милиони евра), што е за 12,5 отсто повеќе во однос на истиот месец од претходната година.

Од вкупниот број на издадени одобренија за градење, 159 (75.0%) се наменети за објекти од високоградба, 16 (7.5%) за објекти од нискоградба и 37 (17.5%) објекти за реконструкција.

Во извештајниот период предвидена е изградба на 300 станови, со вкупна корисна површина од 26 531 м2.

OhridNews
извор: „Макфакс“