ЈП„Македонски шуми“ ја намали цената на огревното дрво за пет отсто. Како што соопшти денеска директорот Жарко Караџоски, дабовото огревно дрво од досегашните 2.450 денари поефтинува на 2.300, а буковото од 2.370 на 2.200 денари.
Караџоски појасни дека одлуката била донесена на почетокот на грејната сезона на 15-октомври, наспроти, како што рече, сите шпекулации кои можевме деновиве да ги слушнеме дека цената на огревното дрво ќе расте.
„Овој попуст од пет отсто доаѓа во пресрет на грејната сезона. Добра вест за граѓаните е и дека ЈП “Македонски шуми” има доволно огревно дрво и нема место за никаква паника“, рече Караџоски. Тој изрази уверување дрвата ќе им бидат испорачани на сите граѓани кои склучиле договори со претпријатието.
OhridNews
