Граѓаните кои живеат во близина на некогашниот дописен центар на МРТВ се револтирани од односот на националниот радиодифузер кон објектот кој наместо новинарски екипи го користат зависници од дрога. Запуштен и необезбеден овој објект со години е собиралиште на наркомани кои таму се дрогираат, а неретко предизвикуваат и инциденти, предупредуваат жителите, кои велат дека нивното трпение е при крај. Тие стравуваат за својата и безбедноста на нивните деца, но и за домовите бидејќи често неканетите гости предизвикувале пожари.
– Во текот на денот има минимум 5-6 посети од зависници од дрога.Тука се дрогираат, преноќуваат, вршат нужда, но се случува и да предизвикаат пожар па често навечер не будат звуците од сирените на противпожарните возила. Секојдневно живееме со страв и под стрес.– се жалат жителите од населбата.
Тие очекуваат реакција од надлежните институции и бараат сопственикот најитно да преземе мерки за средување и обезбедување на објектот, а доколку тоа не биде направено најавуваат дека ќе се самоорганизират за да се заштитат.
Граѓаните предупредуваат на состојбите во некогашниот дописен центар
OhridNews
