Обид за киднапирање бил пријавен вчера од страна на родител на малолетна ќерка во Секторот за внатрешни работи во Охрид.
Имено, според пријавата на родителот З.М., вчера околу пладне неговата 14-годишна ќерка која била во друштво со другари и другарки на улицата „Партизанска“ во близина на спортскиот центар била пресретната од возило комбе со охридски регистарски таблички, во кое се наоѓале М.П., Е..П. и нивната малолетна ќерка. Откако излегле од возилото, возрасните лица ја фатиле малолетничката и почнале да ја влечат за косата и да ја удираат со раце по телото. Потоа насилно ја внеле во багажниот од комбето и ја затвориле. Се свртеле кон останатите деца со намера уште едно од нив насилно да внесат во возилото, но во тој момент затворената малолетничка успеала да ја отвори вратата од комбето и избегала. По ова возачот го стартувал возилото и со голема брзина се упатил кон тротоарот со цел да ги прегази сите деца кои се движеле по него.
СВР-Охрид презема мерки за расчистување на случајот.
