Екипата на Наполи без Горан Пандев во составот претрпе минимален пораз 3-2 на Олимпико од Рома во првиот полуфинален натпревар во Купот на Италија.
Рома по првиот дел имаше предност од 2-0 со головите на Жервињо и Стротман. Во вторите 45 минути „азурите“ преку автоголот на Де Сантис и Мертенс ја анулираа предноста, но потклекнаа во финишот кога Жервињо со вториот погодок на мечот донесе победа за „волчицата“.
Во вториот полуфинален натпревар, кој се одигра во вторникот Удинезе забележа победа од 2-1 против Фиорентина.
Реванш натпреварите од Купот на Италија се играат на 11 и 12 февруари.
Мх.П.
